Chihuahua (fylki)
Appearance
![](http://chped.net/https/upload.wikimedia.org/wikipedia/commons/thumb/6/6c/Chihuahua_in_Mexico_%28location_map_scheme%29.svg/220px-Chihuahua_in_Mexico_%28location_map_scheme%29.svg.png)
![](http://chped.net/https/upload.wikimedia.org/wikipedia/commons/thumb/a/a5/Cascada_Basaseachi.jpg/220px-Cascada_Basaseachi.jpg)
Chihuahua er fylki í norðvestur-Mexíkó. Það er stærsta fylki landsins eða 247.460 km2. Íbúar eru um 3,7 milljónir (2020). Höfuðborgin er Chihuahua-borg en stærsta borgin er Ciudad Juárez.
Sierra Madre Occidental-fjallgarðurinn er framhald af Klettafjöllum og fer í gegnum fylkið. Hæsti tindurinn er um 3.300 m. La Barranca del Cobre (Kopargljúfur) er gríðarstórt gljúfur með hæstu fossum landsins. Þrátt fyrir að fylkið sé kennt við Chihuahua-eyðimörkina er það mest skógi vaxna fylkið í landinu.
Orðið Chihuahua kemur líklega úr nahúatl-frumbyggjamáli.