Svanurinn (stjörnumerki)
Útlit
![](http://chped.net/https/upload.wikimedia.org/wikipedia/commons/thumb/3/3c/Cygnus_IAU.svg/220px-Cygnus_IAU.svg.png)
Svanurinn (latína: Cygnus) er stjörnumerki á norðurhimni. Svanurinn er eitt þeirra stjörnumerkja sem Kládíus Ptólmæos skráði á 2. öld og er talið vísa ýmist í goðsöguna um Ledu og svaninn eða Orfeif. Svanurinn er fremur stórt stjörnumerki með eina af björtustu stjörnum himinsins, Deneb. Hún er reginrisastjarna í um 1.600 ljósára fjarlægð frá jörðinni. Deneb myndar toppinn á stjörnuþyrpingu sem nefnist Norðurkrossinn (sbr. Suðurkrossinn á suðurhimni). Svanurinn inniheldur margar bjartar stjörnur og þekkt djúpfyrirbæri. Keplersjónaukanum er beint að Svaninum í leit að fjarreikistjörnum.