Namíbeyðimörkin
![](http://chped.net/https/upload.wikimedia.org/wikipedia/commons/thumb/f/ff/Dune_7_in_the_Namib_Desert.jpeg/220px-Dune_7_in_the_Namib_Desert.jpeg)
Namíbeyðimörkin er eyðimörk í Namibíu í sunnanverðri Afríku. Hún er hluti af Namib-Naukluft-þjóðgarðinum sem er einn af stærstu þjóðgörðum Afríku. Eyðimörkin þekur 50.000 ferkílómetra svæði sem teygir sig meðfram Atlantshafsströnd Namibíu. Hún er um 1.600 km löng og 50-160 km breið staðsett að mestum hluta í Namibíu en einnig í suðvesturhluta Angóla. Talið er að hún sé elsta eyðimörk jarðarinnar, um 80 milljón ára gömul, en Benguelastraumurinn veldur hinum miklu þurrkum á þessu svæði. Meðalúrkoman á svæðinu er um 10 mm á ári.
![](http://chped.net/https/upload.wikimedia.org/wikipedia/commons/thumb/4/48/NamibDesert01.jpg/220px-NamibDesert01.jpg)
Í eyðimörkinni eru mikilvægar volfram, salt og demantanámur.
Veður[breyta | breyta frumkóða]
Samverkun vatnsmikils sjávarlofts og hinu þurra lofti eyðimerkurinnar veldur óhemjumikilli þoku og sterkum hafstraumum sem verður til þess að skip á svæðinu villast af leið. Eyðimörkin er ásamt Beinagrindarströndinni til norðurs víðþekkt fyrir það að í henni eru fjölmörg skipbrot, sum allt að 50 metrum inni í landi þar sem eyðimörkin er hægt og rólega að stækka til vesturs.
Nafnsifjar[breyta | breyta frumkóða]
![](http://chped.net/https/upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
„Namib“ þýðir risavaxinn á nama, tungumáli innfæddra hottintotta.