Langadalsfjall
Útlit
![](http://chped.net/https/upload.wikimedia.org/wikipedia/commons/thumb/8/8e/Blanda_river%2C_flowing_beneath_Langadalsfjall.jpg/220px-Blanda_river%2C_flowing_beneath_Langadalsfjall.jpg)
Langadalsfjall er fjall í Austur-Húnavatnssýslu og liggur austan við endilangan Langadal, en austan við fjallið er svo eyðidalurinn Laxárdalur fremri.
Fjallið nær frá mynni Laxárdals í norðri suður að mynni Svartárdals við Bólstaðarhlíð og er um 25 km á lengd og 700-800 m hátt víðast hvar, en í það eru þrjú djúp skörð á milli dalanna. Ýmsir hlutar fjallsins heita svo sérstökum nöfnum eftir bæjum sem undir því standa, svo sem Bólstaðarhlíðarfjall og Holtastaðafjall upp af Holtastöðum.