Einarslón
Útlit
Einarslón er fyrrum stórbýli, um 1 km fyrir austan Djúpalónssand og vestan við Malarrif. Þessi fyrrum útgerðar- og kirkjustaður sem nú er eyðibýli, var um tíma til helminga í eigu Jóhannesar Sveinssonar Kjarval listmálara, er sótti þangað og í næsta nágrenni, innblástur og efni í mörg listaverk. Árið 1703 voru á Einarslóni um 62 ábúendur á 12 býlum alls. Einni öld síðar hafði þeim fækkað niður í 38 manns uns fór svo, að Einarslón lagðist í eyði um miðja síðustu öld. Má enn sjá þar móta fyrir bæjarrústum og fornum tóftum.
Heimildir[breyta | breyta frumkóða]
- Þorsteinn Jósepsson, Steindór Steindórsson og Páll Líndal (1982). Landið þitt Ísland, A-G. Örn og Örlygur.
- Björn Hróarsson (1994). Á ferð um landið, Snæfellsnes. Mál og menning. ISBN 9979-3-0853-2.
![](http://chped.net/https/upload.wikimedia.org/wikipedia/commons/thumb/c/ce/Flag_of_Iceland.svg/40px-Flag_of_Iceland.svg.png)