Barrskógabeltið
![](http://chped.net/https/upload.wikimedia.org/wikipedia/commons/thumb/3/31/Taiga.png/220px-Taiga.png)
![](http://chped.net/https/upload.wikimedia.org/wikipedia/commons/thumb/f/f3/Fall_on_the_Yukon_Flats_NWR.jpg/220px-Fall_on_the_Yukon_Flats_NWR.jpg)
![](http://chped.net/https/upload.wikimedia.org/wikipedia/commons/thumb/8/80/Winter-boreal-forest-Trondheim.jpg/220px-Winter-boreal-forest-Trondheim.jpg)
Barrskógabeltið er lífbelti sem einkennist af skógum þar sem furur og önnur barrtré vaxa. Barrskógabeltið sem kallað er taiga í erlendum málum liggur aðallega á svæðum milli 50° og 60° norðlægrar breiddar og er mestur hluti barrskóganna í Rússlandi en einnig eru miklir barrskógar í Kanada og nyrstu fylkjum Bandaríkjanna og í Skandinavíu.
Einkenni barrskógabeltisins eru að vetur eru kaldir og snjóþungir og úrkoma aðallega í formi snævar, jarðvegur er næringarlítill og með hátt sýrustig og undirgróður er rýr því barrskógarnir eru mjög þéttir. Rotnun er hæg og mikið magn af rotnandi gróðurleifum þekja skógarbotninn.
Í barrskógabeltinu þekja fáar trjátegundir stór svæði. Það eru tegundir af ættkvíslum eins og: lerki (Larix), greni (Picea), þinur (Abies) og fura (Pinus). Í Skandinavíu er skógarfuran (Pinus sylvestris) mjög útbreidd. Einnig vaxa í barrskógabeltinu tegundir sem fella lauf eins og birki, aspir, ölur, reyniviður og víðitegundir.
Afar miklar sveiflur eru á hitastigi milli árstíða í síberíska barrskógabeltinu. Í janúar getur hitinn farið allt niður í –50°C en í júlí fer hitinn iðulega yfir 30°C. [1]
Heimild[breyta | breyta frumkóða]
![](http://chped.net/https/upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
Tilvísanir[breyta | breyta frumkóða]
- ↑ Hverjir eru helstu skógar Asíu Vísindavefur. Skoðað 18. janúar. 2016.